LGS To KAS

ഭാരതരത്ന നേടിയ ആദ്യ ഉപരാഷ്ട്രപതി , ഭരണഘടനാപരമായ പദവി വഹിക്കുമ്പോൾ ഭാരതരത്നം നേടിയ ആദ്യത്തയാൾ എന്നീ വിശേഷണങ്ങൾ ഡോ. എസ്. രാധാകൃഷ്ണനു സ്വന്തമാകുമ്പോൾ ഒപ്പം പുരസ്കാരം നേടിയ സി.രാജഗോപാലാചാരിയാണ് ഈ പുരസ്കാരം നേടിയ ആദ്യ സ്വാതന്ത്ര്യസമര സേനാനി. അരുണ ആസഫ് അലി മര ണാനന്തര ബഹുമതിയായി ഭാരതരത്ന ലഭിച്ച ആദ്യ വനിതയും , ഭാരതരത്ന ജേതാക്കളിലെ കമ്യൂണിസ്റ്റ് ചായ്വുണ്ടായിരുന്ന ഏക നേതാവുമാണ്. ജന്മശതാബ്ദി വർഷത്തിൽ ( 1958) ഭാരതരത്നത്തിലൂടെ ആദരിക്കപ്പെട്ട ധോണ്ഡോ കേശവ കാർവെ ( 1858-1962) എന്ന സാമൂഹിക പരിഷ്കർത്താവാണ് ഏറ്റവും കൂടിയ പ്രായത്തിൽ ഭാരതരത്നയ്ക്ക് അർഹനായത്. 104 വയസ്സുവരെ ജീവിച്ചിരുന്ന അദ്ദേഹം ഏറ്റവും കൂടുതൽ കാലം ജീവിച്ചിരുന്ന ഭാരതരത്നം ജേതാവും ഭാരതരത്ന ജേതാക്കളിൽ ആദ്യം ജനിച്ച വ്യക്തിയു മാണ്. 99- ാം വയസ്സിൽ ഭാരതരത്നം ലഭിച്ച ഗുൽസാരിലാൽ നന്ദയാണ് ഏറ്റവും കൂടിയ പ്രായത്തിൽ ഭാരതരത്നം നേടിയ ഭരണ കർത്താവ്. ഭാരതരത്നം ലഭിച്ചവരിൽ ഏറ്റവും കുറച്ചുകാലം ജീവിച്ചിരുന്ന വ്യക്തി രാജീവ്ഗാന്ധിയാണ് ( 1944-1991). അദ്ദേഹവും മാതാവ് ഇന്ദിരാഗാന്ധിയുമാണ് ( 1917-1984) ഭാരതരത്നങ്ങളിൽ കൊല്ലപ്പെട്ട വ്യക്തികൾ. ഭാരതരത്നത്തിന്...

ഇന്ത്യയുടെ പരമോന്നത സിവിലിയൻ ബഹുമതിയാണ് ഭാരതരത്നം. രാഷ്ട്രത്തിനുവേണ്ടി സമർപ്പിച്ച അതിവിശിഷ്ട സേവനത്തെ ആദരിക്കാൻ 1954-ൽ ആണ് പുരസ്കാരം ഏർപ്പെടുത്തിയത്. ഭാരതരത്ന ജേതാക്കൾക്ക് പ്രത്യേക ' ടൈറ്റിൽ ' ഉപയോഗിക്കാൻ വ്യവസ്ഥയില്ലെങ്കിലും ഇന്ത്യയിലെ ടേബിൾ ഓഫ് പ്രസീഡൻസിൽ (ഔദ്യോഗിക പദവികളുടെ മുൻഗണനാക്രമം) അവർക്ക് സ്ഥാനം നിശ്ചയിച്ചിട്ടുണ്ട്. ഇതുപ്രകാരം 7എ ആണ് ഭാരതരത്ന ജേതാവിന്‍റെ ക്രമനമ്പർ. പത്മവിഭൂഷൺ , പത്മഭൂഷൺ , പത്മശ്രീ എന്നിവയ്ക്കൊപ്പം 1954 ജനവരി രണ്ടിനു നിലവിൽ വന്ന ഭാരതരത്ന ആദ്യമായി നൽകിയത് അതേവർഷം സ്വാതന്ത്ര്യദിനത്തിലാണ്. 1977 ജൂലായ് 13 മുതൽ 1980 ജനവരി 26 വരെ ഭാരതരത്നം സസ്പെന്‍റ് ചെയ്തിരുന്നു. ആലിലയുടെ ആകൃതിയിലുള്ള സ്വർണമെഡലിൽ സൂര്യന്‍റെ ചിത്രവും അതിനുതാഴെ ഹിന്ദിയിൽ ദേവനാഗരി ലിപിയിൽ ' ഭാരതരത്ന ' എന്ന ആലേഖനവും അടങ്ങുന്നതാണ് പുരസ്കാരം. മറുവശത്ത് ദേശീയചിഹ്നവും “സത്യമേവജയതേ ” എന്ന ആപ്തവാക്യവുമുണ്ട്.